39 - Miðvörðurinn þrautreyndi, Pepe, varð sá elsti til að skora í útsláttarkeppni HM þegar hann skoraði gegn Sviss í 6-1 stórstigri í 16-liða úrslitum. Hann var 39 ára og 283 daga gamall.

11 - Harry Kane náði því afreki að verða markahæsti leikmaður enska landsliðsins á stórmótum frá upphafi. Hann hefur nú skorað ellefu mörk í slíkum mótum og tekur þar með fram úr Gary Lineker, sem áður var markahæstur.

28 - Það voru alls skoruð 28 mörk í 16 liða úrslitum HM 2022. Aldrei hafa fleiri mörk verið skoruð á þessu stigi mótsins frá því 16 liða úrslit voru fyrst kynnt til leiks árið 1986.

Fréttablaðið/Getty Images

18 - Ástralinn Garang Kuol var 18 ára og 79 daga þegar hann lék í 16 liða úrslitum HM 2022 gegn Argentínu. Hann varð þar sem sá yngsti til að spila í útsláttarkeppni mótsins frá því Pele árið 1958, þá 17 ára og 249 daga.

142 - Í 16 liða úrslitunum gegn Póllandi spilaði markvörðurinn Hugo Lloris sinn 142. leik fyrir franska landsliðið. Jafnaði hann þar með Lilian Thuram sem leikjahæsti landsliðsmaður Frakklands.

3 - Goncalo Ramos, sóknarmaður Portúgals, skoraði fyrstu þrennuna á HM í Katar. Það gerði hann í 6-1 sigri á Sviss í 16 liða úrslitum. Þetta var jafnframt hans fyrsti byrjunarliðsleikur fyrir portúgalska landsliðið. Ramos hafði komið inn í liðið fyrir Cristiano Ronaldo.

26 - Brasilía hefur notað alla 26 leikmenn sína það sem af er HM 2022. Eru þeir fyrsta liðið til að nota svo marga leikmenn á einu Heimsmeistaramóti.

Olivier Giroud
Fréttablaðið/Getty Images

52 - Olivier Giroud skoraði sitt 52. landsliðsmark fyrir Frakkland í 16 liða úrslitum gegn Póllandi. Hann tók þar með fram úr Thierry Henry sem markahæsti leikmaður í sögu franska landsliðsins.

5 - Cristiano Ronaldo varð fyrsti karlmaðurinn til að skora í fimm lokakeppnum Heimsmeistaramótsins, er hann skoraði fyrir Portúgal gegn Gana.

2006 - Vincent Aboubakar varð fyrsti leikmaðurinn til að skora og vera rekinn út af í leik á HM síðan Zinedine Zidane gerði það í úrslitaleik Frakklands gegn Ítalíu árið 2006. Aboubakar fagnaði marki með því að fara úr treyjunni í sigri Kamerún á Brasilíu og uppskar sitt seinna gula spjald.

1- Lionel Messi skoraði sitt fyrsta mark í útsláttarkeppni HM gegn Ástralíu í 16 liða úrslitum.

39 - Dani Alves varð elsti leikmaðurinn til að spila í lokakeppni HM frá upphafi þegar hann gerði það 39 ára og 210 daga gamall.