Króatíski framherjinn Hrvoje Tokic hefur fengið leyfi til að fara frá Breiðabliki og ræða við önnur lið. Þetta kemur fram á blikar.is.

Tokic hefur aðeins byrjað einn leik í Pepsi-deildinni í sumar og virðist vera aftastur í goggunarröðinni af framherjum Breiðabliks.

Tokic kom til Breiðabliks fyrir síðasta tímabil eftir eitt og hálft ár í herbúðum Víkings Ó. Hann skoraði fimm mörk í 16 deildarleikjum fyrir Blika í fyrra.

Samkvæmt blikar.is er Breiðablik með danskan leikmann til skoðunar. Það kemur í ljós á næstu dögum hvort félagið semji við hann.