Þar sem leikirnir eru spilaðir fyrir utan alþjóðlega leikdaga sem FIFA gefur út er hópurinn að mestu skipaður leikmönnum sem spila á Íslandi og á Norðurlöndunum. Alls gætu tíu leikmenn átt möguleika á því að spila sinn fyrsta A-landsleik fyrir Íslands hönd í verkefninu.

Arnar Þór Viðarsson, landsliðsþjálfari, segir mikilvægt ár frammundan hjá íslenska landsliðinu ,,og áríðandi að nýta hvert einasta tækifæri sem við fáum til að stilla saman strengina, skoða leikmenn og halda áfram að byggja upp okkar lið til framtíðar. Leikirnir í þessum janúarglugga hafa reynst vel í gegnum tíðina og ég er viss um að svo verður líka núna. Leikmenn þurfa að halda áfram að taka skref á sínum ferli og við þurfum jafnframt að halda áfram að taka skref sem landslið. Það eru margir áhugaverðir leikmenn í þessum hópi og ég hlakka til að vinna með þeim öllum. Þetta er alvöru gluggi til að stimpla sig inn fyrir komandi verkefni."

Nýr aðstoðarþjálfari hefur ekki verið ráðinn inn í staðinn fyrir Eið Smára Guðjohnsen sem lét af störfum undir lok síðasta árs. ,,Vonandi náum við að klára ráðningu aðstoðarþjálfara sem fyrst, en það er líka mikilvægt að flýta sér hægt og vanda til verks. Í janúarverkefninu verða þeir Davíð Snorri (Jónasson, þjálfari U21 karla) og Ólafur Ingi (Skúlason, þjálfari U19 karla) mér til aðstoðar, ásamt auðvitað Halldóri (Björnssyni) markmannsþjálfara."

Leikmannahópurinn:

Ingvar Jónsson - Víkingur R. - 8 leikir

Patrik Sigurður Gunnarsson - Brentford

Hákon Rafn Valdimarsson - IF Elfsborg

Finnur Tómas Pálmason - IFK Norrköping

Ísak Óli Ólafsson - Esbjerg fB - 1 leikur

Damir Muminovic - Breiðablik

Ari Leifsson - Stromsgodset IF - 1 leikur

Atli Barkarson - Víkingur R.

Guðmundur Þórarinsson - Án félags - 12 leikir

Valgeir Lunddal Friðriksson - Häcken - 1 leikur

Alfons Sampsted - Bodo/Glimt - 7 leikir

Viktor Karl Einarsson - Breiðablik

Valdimar Þór Ingimundarson - Stromsgodset IF

Kristall Máni Ingason - Víkingur R.

Stefán Teitur Þórðarson - Silkeborg IF - 7 leikir, 1 mark

Viktor Örlygur Andrason - Víkingur R.

Alex Þór Hauksson - Östers IF - 3 leikir

Höskuldur Gunnlaugsson - Breiðablik - 1 leikur

Arnór Ingvi Traustason - New England Revolution - 41 leikur, 5 mörk

Gísli Eyjólfsson - Breiðablik - 2 leikir

Viðar Ari Jónsson - Sandefjord - 5 leikir

Jón Daði Böðvarsson - Millwall - 60 leikir, 3 mörk

Sveinn Aron Guðjohnsen - IF Elfsborg - 8 leikir

Brynjólfur Andersen Willumsson - Kristiansund BK