Handknattleiksdeild HK leggur fram tillögu fyrir komandi ársþing HSÍ þess efnis að liðum verði fjölgað í allt að tíu í efstu deild kvenna frá og með næsta keppnistímabili. Ársþing HSÍ verður haldið á mánudaginn kemur en þingskjöl hafa verið birt á vef sambandsins.

„Eins og staðan er núna eru of fá lið í Olísdeild – leikmenn dreifa sér á of fá lið – fáir leikmenn eru að fara úr Olísdeildinni í Grilldeildina og vilja frekar vera á bekknum í Olísdeildinni,“ segir í greinargerð með tillögu HK.

HK-ingar benda enn framur á að lið eigi hafi átt erfitt með að festa sig í sessi í deildinni eins og nú er í átta liða deild. Lið sem falla úr deildinni séu í verulegri hættu á að flosna upp. Leikmenn róa á önnur mið í stað þess að taka slaginn og freista þess að vinna liðinu sæti á nýjan leik í Olísdeildinni.

„Þetta fyrirkomulag gerir að verkum að fleiri lið fá einhver hlutverki eftir deild – fleiri lið í úrslitakeppni nánast bara lið sem fellur og liðð vinnir sig beint upp sem hafa hlutverk eftir deild,“ segir í tillögu HK.