Þórdís Hrönn Sigfúsdóttir hefur skrifað undir tveggja ára samning við knattspyrnudeild Breiðabliks en hún er að snúa aftur heim í Kópavoginn þar sem hún byrjaði feril sinn í meistaraflokki.

Þórdís Hrönn sem er fædd árið 1993 hefur á ferlinum spilað 136 leiki í deild og bikar hér heima og skorað í þeim lleikjum 29 mörk með Blikum, Stjörnunni, Þór/KA og nú síðast KR. Þá hefur hún leikið með sænsku liðunum Älta og Kristianstad.

Þórdís Hrönn á að baki tvo leiki með A-landsliðinu, auk fjölda landsleikja með yngri landsliðum Íslands.