Ræningjarnir sem brutust inn á heimili hjólreiðakappans Mark Cavendish og eiginkonu hans Petu árið 2021 ætluðu sér að stela þar úri sem metið er á um tvær milljónir punda.
Mark á hefðarsetur í námunda við Essex á Bretlandi og það var þar sem innbrotsþjófarnir gerðu atlögu í nóvember árið 2021. Þeir eru sagðir hafa ráðist á Cavendish áður en þeir höfðu á brott með sér þýfi fyrir rúmlega 700 þúsund pund.
Innbrotsþjófarnir höfðu meðferðis hnífa, andlit þeirra voru hulin og klæddust þeir meðal annars hettupeysum til þess að reyna fela allt það sem gæti orðið til þess að þeir myndu þekkjast.
Nú er komið í ljós að ástæða innbrotsins var tveggja milljóna punda úr sem ræningjarnir höfðu séð Mark með á verðlaunahátið.
Mark bauð þeim að hafa með sér fjölda verðmætra hluta en sögðu þeir „þetta er ekki það sem við erum að leita að.“
Hótuðu að rista hann á hol fyrir framan barnið
Greint var frá málavendingum í dómsal á dögunum en innbrotsþjófarnir klifruðu yfir öryggisgirðingu við heimili Cavendish áður en þeir löbbuðu upp að húsinu og brutu sér leið inn um hurð baka til.
Þá hafa myndbandsupptökur frá nærliggjandi svæðum varpað ljósi á það hvað átti sér stað í aðdraganda innbrotsins. Þar sjást mennirnir, sem brutust inn, valda usla á nærliggjandi svæði.
Reynt hefur verið að varpa ljósi á það sem átti sér stað inn á heimili Mark en hann var sjálfur heima ásamt eiginkonu sinni og barni
Hann hefur sjálfur greint frá því að hafa orðið fyrir hryllilegri árás af hendi innbrotsþjófanna eftir að hann reyndi að ná til neyðarhnapps á heimilinu sem hefði gert lögreglu viðvart um ástand á heimilinu.
Í þann mund sem Mark reyndi að ná til hnappsins hafi þrír af innbrotsþjófunum fjórum stokkið á hann og hótað honum að rista hann á hol fyrir framan son hans.
Þá hafi Peta, eiginkonu Mark, einnig verið hótað er hún reyndi að koma þriggja ára syni þeirra hjóna í felur.
Tveir á flótta
Lögreglu hefur tekist, meðal annars með myndbandsupptökum frá öðrum stöðum sem og gögnum úr Mercedes bifreiðinni sem notuð var við innbrotið, að bera kennsl á fimm menn sem hún telur að hafi staðið að innbrotinu á heimili Mark Cavendish.
Tveir þeirra er á flótta en lögreglan telur sig geta sannað að símar Jo Jobson og George Goodard hafi verið á heimili Cavendish þegar að innbrotið átti sér stað.
Í dómssal neita hinn 31 árs gamli Romario Henry og hinn 28 ára gamli Oludewa Okorosobo aðild að málinu. Fimmti maðurinn, Ali Sesay hefur hins vegar viðurkennt átt í hlut innbrotinu eftir að DNA hans fannst á síma Peta.
