Sebastian Rode, leikmanni þýska knattspyrnuliðsins Eintracht Frankfurt er líkleg slétt sama um skurðinn sem hann hlaut í úrslitaleik Evrópudeildarinnar í gær eftir að hafa fengið takka í hausinn af skóm leikmanns Rangers. Frankfurt stóð uppi sem sigurvegari í viðureigninni og eru því Evrópudeildar meistarar.

Það var ekki langt liðið af leiknum þegar að Rode fékk takkana af takkaskóm John Lundstram í hausinn, nánar tiltekið á 6. mínútu. Rode lá óvígur eftir og leikurinn var stoppaður í þónokkurn tíma á meðan að Rode fékk viðeigandi aðhlynningu.

Hann náði hins vegar að halda leik áfram en úrslitin réðust ekki fyrr en í vítakeppni og þar reyndust leikmenn Frankfurt sterkari.

Rode birti mynd af sér á samfélagsmiðlum eftir leikinn þar sem sjá má að um ansi stóran skurð hefur verið að ræða og sauma hefur þurft mörg spor til þess að loka honum.