Viðtal ísraelsks sjónvarpsmanns við stuðningsmann eftir leik Englands og Senegal á Heimsmeistaramótinu í Katar í gær hefur vakið mikla athygli. Hann ræddi við hressa stuðningsmenn enska karlalandsliðsins, en liðið var 3-0 sigur úr býtum í gær.

Sjónvarpsmaðurinn sem um ræðir var ansi hress til að byrja með. Hann spurði Englendingana hvort „fótboltinn væri að koma heim,“ líkt og oft er talað um í tengslum við það að England vinni stórmót í knattspyrnu.

Stuðningsmennirnir svöruðu játandi. Einn þeirra bætti svo við: „Frelsum Palestínu.“ Þá breyttist svipur sjónvarpsmannsins fljótt. Flestum er kunnugt um deilur Ísraels og Palestínu.

Leikurinn í gær var liður í 16-liða úrslitum HM. Mörk Englands skoruðu þeir Jordan Henderson, Harry Kane og Bukayo Saka.

Með sigrinum í gær komst England í 8-liða úrslit. Þar verður andstæðingurinn Frakkland á laugardagskvöld.

Hér að neðan má sjá viðtal ísraelska sjónvarpsmannsins við ensku stuðningsmennina.