Strákarnir okkar eru þessa stundina á leiðinni til Moskvu frá bænum Kabardinka þar sem undirbúningur fyrir fyrsta leik liðsins á HM hefur farið fram undanfarna daga. Ísland mætir Argentínu á laugardag á Spartak-leikvanginum í Moskvu.

Eyþór Árnason, ljósmyndari Fréttablaðsins, var á staðnum þegar liðið gekk um borð í vélina og náði eftirfarandi myndum.

Fréttablaðið mun greina frá öllu því helsta sem ber upp á HM í Rússlandi. Hér er hægt að fylgjast með allri umfjöllun um mótið sjálft, strákana okkar og önnur lið.

Leikur Íslands og Argentínu hefst klukkan 13.00, að íslenskum tíma, á laugardag.