Enski boltinn

Stóri Sam fékk sparkið hjá Everton

Sam All­ar­dyce sem stýrði Everton á nýlokinni leiktíð hefur verið sagt upp störfum hjá félaginu. Everton greinir frá þessu í færstlu á twitter-síðu sinni.

Sam Allardyce hefur verið sagt upp störfum hjá Everton.

Sam All­ar­dyce sem stýrði Everton á nýlokinni leiktíð hefur verið sagt upp störfum hjá félaginu. Everton greinir frá þessu í færstlu á twitter-síðu sinni. Allardyce tók við liðinu af David Unsworth í lok nóvember, en Unsworth hafði stýrt liðinu tímabundið eftir að Ronald Koeman var látinn taka pokann sinn í upphafi leiktíðarinnar.

Þegar Allardyce tók við stjórnartaumunum hjá Everton var liðið í 13. sæti deildarinnar, en hafnaði svo í áttunda sæti deildarinnar í vor. Allardyce samdi til tveggja ára þegar hann tók við starfinu hjá Everton. 

Eigendur Everton telja hins vegar að sá árangur sem Allardyce náði sé ekki nægilega góður. Þá eru þeir líkast til þar að auki með gagnrýnisraddir stuðningsmanna Everton sem hafa látið í sér heyra vegna leiðinlegs leikstíls liðsins undir stjórn Allardyce bakvið eyrað við ákvörðun sína.  

Marco Silva, fyrr­ver­andi knattspyrnustjóri Hull og Wat­ford sem var efstur á óskalista eigenda Everton til þess að taka við liðinu eftir Koeman var látinn fara þykir líklegast sem arftaki All­ar­dyce.

Athugasemdir

Auglýsing
Auglýsing

Tengdar fréttir

Enski boltinn

Skytturnar unnu nágrannaslaginn gegn Chelsea

Enski boltinn

Gylfi Þór jafnaði markamet Eiðs Smára í dag

Enski boltinn

Liverpool slapp með skrekkinn gegn Palace

Auglýsing

Nýjast

Í beinni: Þýskaland 2 - 1 Ísland

Frakkar unnu sannfærandi sigur á Spáni

PAOK búið að bjóða í Sverri Inga

Jota með þrennu í dramatískum sigri Úlfanna

Alexander-Arnold fær nýjan samning

Færeyingurinn Jákúp kemur aftur til FH

Auglýsing