Raheem Sterling hefur skrifað undir nýjan þriggja ára samning við Manchester City. Talið er að hann færi honum 300.000 pund í vikulaun.

„Ég er hæstánægður með að hafa framlengt samninginn. Þessi vegferð hefur verið ótrúleg,“ sagði Sterling sem kom til City frá Liverpool 2015.

Sterling skoraði 23 mörk á síðasta tímabili þegar City varð Englandsmeistari og vann enska deildabikarinn.

Enski landsliðsmaðurinn hefur haldið uppteknum hætti á þessu tímabili og er kominn með sjö mörk í öllum keppnum.

City tekur á móti Manchester United á sunnudaginn. City er með tveggja stiga forskot á toppi ensku úrvalsdeildarinnar.