Fótbolti

Starfsmenn Fiat ósáttir með kaup Juve á Ronaldo

Starfsmenn ítalska bílaframleiðandans Fiat ætla í verkfall í næstu viku til að mótmæla aðkomu bílaframleiðandans að félagsskiptum Cristiano Ronaldo til Juventus á sama tíma og fyrirtækið segist ekki geta greitt starfsmönnum sínum hærri laun.

Starfsfólk Fiat er ósátt með að stjórnarformenn Exor ætli að reiða fram fúlgur fjár fyrir Cristiano Ronaldo en geti ekki lagt meiri pening í framleiðslu bílanna undir Fiat-samsteypunni. Fréttablaðið/Getty

Starfsmenn ítalska bílaframleiðandans Fiat ætla í verkfall í næstu viku til að mótmæla aðkomu bílaframleiðandans að félagsskiptum Cristiano Ronaldo til Juventus á sama tíma og fyrirtækið segist ekki geta greitt starfsmönnum sínum hærri laun.

Voru þeir þegar búnir að lýsa yfir óánægju sinni þegar Ronaldo var fyrst orðaður við Juventus en portúgalska stórstjarnan samdi við ítölsku meistarana í gær.

Greiðir Juventus um 100 milljónir evra fyrir Ronaldo og mun Exor sem á hluti í Juventus og Fiat greiða hluta upphæðarinnar.

Sama fyrirtæki hefur reynt að skera niður útgjöld við framleiðslu og neitað óskum starfsmanna um launahækkun.

Hafa starfsmennirnir fyrir vikið tekið ákvörðun um að fara í verkfall í tæpa þrjá sólarhringa til að koma í ljós óánægju sinni með félagsskipti Ronaldo til ítalska félagsins.

Framleiðir Fiat bíla á borð við Maserati, Fiat, Dodge, Chrysler, Jeep, Ram og Alfa Romeo.

Athugasemdir

Auglýsing
Auglýsing

Tengdar fréttir

Fótbolti

Kristján Flóki fer ekki til Póllands

Fótbolti

Boateng verður ekki með í kvöld vegna veikinda

Fótbolti

Líklegt að Fabinho leiki við hlið Matip í kvöld

Auglýsing

Nýjast

Fundarhöld um framtíð Sarri

Martin: Hlynur er eins og jarðýta

„Okkar að stíga upp þegar þessir tveir meistarar hætta“

Ragnarök í Víkinni á laugardaginn

Guðmundur gerði gott mót á Spáni

Mörkin úr sigri Íslands gegn Írlandi - myndskeið

Auglýsing