Spara sér 36 milljónir með einni breytingu sem vakti athygli

For­ráða­menn For­múlu 1 liðs Haas hafa gert á­huga­verða breytingu á skipu­lagi sínu í að­draganda komandi For­múlu 1 tíma­bils sem hefst af al­vöru í næstu viku. Um­rædd breyting virkar smá­vægi­leg en hún felur í sér sparnað upp að því sem nemur rúmum 36 milljónum ís­lenskra króna.

Breytingin felur það í sér að sér­fræðingum í teymi liðsins við stjórn­borðið á þjónustu­svæðinu verður fækkað úr sex niður í þrjá. Um­ræddir starfs­menn halda allir vinnunni en þrír þeirra munu sinna starfi sínu á annan máta.

Sparnaðurinn kemur fram í lækkuðum flutnings­kostnaði.

Nú standa yfir æfingar For­múlu 1 liðanna í Bar­ein en þar mun einnig fyrsta keppnis­helgi tíma­bilsins fara fram í næstu viku.

Á æfingunum mátti, í fyrsta skipti, sjá þessar um­ræddu breytingar og vöktu þær mikla at­hygli sam­fé­lags­miðla­not­enda.