Sér­fræðingur sænska fót­bolta­miðlsins Fot­bollskana­len hefur ekki mikla trú á Víkingum Reykja­vík fyrir viður­eign liðsins gegn sænsku meisturunum í Mal­mö í Sví­þjóð í kvöld þegar að liðin mætast í fyrri viður­eign sinni í undan­keppni Meistara­deildar Evrópu.

Raunar telur fyrr­nefndi sér­fræðingurinn að: ;,Mal­mö valti yfir Ís­lendingana," líkt og hann skrifar á Fot­bollskana­len.

Mal­mö fór alla leið í riðla­keppni Meistara­deildarinnar í fyrra og hefur sókn sína að því sæti á ný í kvöld gegn Víkingum sem unnu for­keppni deildarinnar í Víkinni á dögunum.

Víkingar unnu Inter d'Es­cald­es frá San Marínó 1-0 í úr­slita­leiknum um laust sæti í undan­keppninni og sér­fræðingur Fot­bollskana­len telur að Víkingar muni líta ansi illa út gegn Mal­mö bæti þeir leik sinn ekki frá þeim leik.

,,Mal­mö eru afar sterkir á heima­velli, það mun reyna á Oli­ver Ekroth og aðra í varnar­línu Víkings."

Hann telur að Víkingar muni ekki geta haldið í við leik­menn Mal­mö þegar að þeir auka tempóið í leiknum.

,,Ég full­yrði að van­mat er stærsti ó­vinur Mal­mö í kvöld. Gera má ráð fyrir ein­stefnu í leiknum, mér finnst engin á­stæða til þess að ætla annað. Mal­mö vinnur," skrifar sér­fræðingur Fot­bollskana­len um viður­eign Mal­mö og Víkings Reykja­víkur í Meistara­deild Evrópu í kvöld.

Flautað verður til leiks klukkan 17:00 að ís­lenskum tíma. Leikurinn fer fram í Mal­mö. Liðin mætast svo aftur að viku liðinni á Víkings­velli.