Raheem Sterling, leikmaður enska landsliðsins í knattspyrnu mun snúa aftur til Katar og hjálpa liðinu í komandi verkefni þess í 8-liða úrslitum mótsins eftir að hafa yfirgefið landsliðshópinn og haldið heim til Englands eftir að brotist var inn á heimili hans og fjölskyldunnar.
Frá þessu er greint í fjölmiðlum ytra nú í morgun en Sterling flýtti sér heim til þess að vera með fjölskyldu sinni á þessum óþægilegu tímum eftir innbrotið og missti hann því af verkefni enska landsliðsins gegn Senegal í 16-liða úrslitum HM.
Enska knattspyrnusambandið hefur gefið út yfirlýsingu í tengslum við málið þar sem segir að Sterling verði mættur til Al Wakrah í Katar á morgun, degi fyrir leik Englands gegn Frakklandi í 8-liða úrslitum.
Enginn úr fjölskyldu Sterling var heima þegar að innbrotið átti sér stað en mennirnir sem stóðu fyrir innbrotinu voru vopnaður og höfðu með sér þýfi metið á rúm 300 þúsund pund eða því sem jafngildir 20 milljónum íslenskra króna.
Tveir menn hafa verið handteknir í tengslum við málið og sitja þeir nú í gæsluvarðahaldi.
