Íslenski gönguskíðakappinn Snorri Einarsson náði heldur betur góðum árangri í 50 kílómetra skíðagöngu á HM í Planica í dag. Snorri kom í mark í 15. sæti í göngunni.
Er það besti árangur Íslendings á HM í greininni en Snorri er búsettur á Ísafirði og heldur þar út æfingum sínum.
50 kílómetra gangan er ein sterkasta keppnisgrein Snorra en hann hefur einnig náð afar góðum árangri í öðrum greinum á yfirstandandi HM.
Hann varð 22. sæti í 15 km göngu, sem er hans næst besti árangur í þessari grein og í 28. sæti í 30 km skiptigöngu.
Fyrir daginn í dag hafði Snorri best náð 18. sæti í 50 kílómetra göngu á HM, þeim árangri náði hann á HM í Seefeld í Austurríki árið 2019 sem var fyrir áfanga dagsins besti árangur Íslendings á HM.
Það var hinn norski Paal Godbert sem kom fyrstur í mark í göngu dagsins, rétt á undan samlanda sínum Johannes Klaebo
