Snæfríður Sól Jórunnardóttir synti í morgun 100 metra skriðsund á Evrópumeistaramótinu 25 metra laug sem fram fer í Kazan í Rússlandi.

Snæfríður Sól synti á tímanum 54,99 sekýndum og var alveg við sinn besta tíma, 54.95. Hún varð í 22. sæti af 43 keppendum.

Þessi tvítuga sundkona nálgast Íslandsmetið í greininni, en það er 54,44 sekúndur og er í eigu Ragnheiðar Ragnarsdóttur.

Steingerður Hauksdóttir synti einnig í morgun, 50 metra baksund á tímanum 28,18 sekúndur sem er þó nokkur bæting.Besti tími hennar fyrir þetta sund var 28,52 sekúndur.

Íslandsmetið í greininni er 27,40 sekúndur en það setti Eygló Ósk Gústafsdóttir árið 2016.