Enski landsliðsmaðurinn í fótbolta, Kal­vin Phillips, sem leikur inni á miðsvæðinu hjá Leeds United, skellti sér út áf lífið á sunnudagskvöldið síðastliðið eftir tap Leeds United í ensku úrvalsdeildinni.

Phillips var í félagsskap nokkurra samherja sinna hjá Leeds United á næturklúbbi en miðvallarleikmaðurinn varð fyrir meiðslum á höfði á meðan hann var að skemmta sér.

Þurfti að gera að sárum Phillips en hann hefur þó fengið leyfi hjá læknateymi Leeds United til þess að hefja æfingar að nýju.

Vonir standa til að Phillips verði klár í slaginn þegar Leeds United mætir Brighton í deildarleik um komandi helgi.