Ísland tapaði 29-21 þegar liðið mætti Makedóníu í annarri umferð í undankeppni HM 2019 í Skopje í dag. Þar með er ólíklegt að liðið komist í umspil um sæti í lokakeppni mótsins. 

Makedónska liðið komst fljótlega í örugga forystu og þegar yfir lauk skildu níu stig liðin að. 

Makedónía er taplaust á toppi riðilsins og á sigur gegn Tyrklandi nánast vísan þegar liðið mætir Tyrklandi í lokaumferð riðilsins á morgun. 

Ísland á hins vegar enn möguleika á að vera með bestan árangur í öðru sæti í riðlunum fjórum, en takist liðinu að gera það fer það í umspil um laust sæti á HM.  

Arna Sif Pálsdóttir og Þórey Rósa Stefánsdóttir voru markahæstar hjá íslenska liðinu með fimm mörk hvor. 

Helena Rut Örvarsdóttir, Andrea Jacobsen, Eva Björk Davíðsdóttir og Thea Imani Sturludóttir skoruðu síðan tvö mörk hver

Ísland sem hafði betur gegn Tyrklandi í gær mætir Aserbaídsjan í lokaumferðinni á morgun.