Knattspyrnudeild ÍA hefur samið við skoska leikmanninn Alex Davey um að leika með karlaliði félagsins í sumar.

Davey, sem leikur alla jafna sem miðvörður, en hefur einnig leikið sem hægri bakvörður og djúpur miðjumaður á ferli sínum kom í gegnum unglingastarf Chelsea en hann yfirgaf herbúðir Lundúnafélagsins árið 2017.

Á ferli sínum hefur hann til að mynda leikið með norska liðinu Stabæk, Dag & Red FC og Hartford í neðstu deildum Englands.

Þessi nýjasti leikmaður Skagaliðsins var síðast á mála hjá TB Rowdies í næst efstu deild í Bandaríkjunum en hann hefur verið án félags frá því í byrjun desember.