Tiger Woods átti skínandi fyrsta hring á Genesis-mótinu sem hófst í gær og er hluti af PGA-móta­röðinni. Þetta var í fyrsta skipti í rúmt hálft ár sem Tiger lék á at­vinnu­manna­­móti og fór hann sinn fyrsta hring á tveimur höggum undir pari vallarins, alls 69 höggum.

Tiger er mikill keppnis­­maður og hefur gaman að því að reyna stuða sam­­spilara sína á hverjum hring og það gerði hann í gær.

Eftir að hafa slegið lengra upp­­hafs­högg en Justin Thomas, virðist Tiger hafa rétt honum túrtappa. Hver meiningin á bak við það at­hæfi var, er ó­víst.

Það er golf blaða­­maðurinn Rick Gehman sem vekur at­hygli á þessu í færslu á sam­­fé­lags­­miðlinum Twitter og birtir myndir máli sínu til stuðnings.

Allt var þetta til gamans gert milli Tiger og Thomas en myndskeið sem birst hefur af atvikinu, einnig á Twitter, sýnir að Thomas vildi ekkert taka við umræddri gjöf frá Tiger.

Spilar alltaf til sigurs

Það er alltaf spenna fyrir því þegar að Tiger, sem er einn allra besti kylfingur sögunnar með 15 ris­a­­titla, mætir til leiks. Á sama tíma eru margir sem efast um að hann geti enn á ný sótt til sigurs á um­­ræddum mótum PGA-mótaraðarinnar eftir að hann lenti í harka­­legu bíl­­slysi í febrúar árið 2021. Um stund var í­huga að taka af honum annan fótinn sökum þess hve illa farinn hann var.

Sjá einnig
Tiger í­trekaði svar sitt til blaða­manns: „Ég er hér til þess að ná í sigur“

Allt kom fyrir ekki og hefur Tiger, þó sami krafturinn sé ekki fætinum, reynt fyrir sér í­trekað á at­vinnu­manna­­mótum eftir slysið.

Tiger segist hins vegar sjálfur ekki mæta til leiks nema að hann trúi því að hann geti borið sigur úr býtum.

Í gær fengu á­horf­endur að sjá takta frá kylfingnum sem kannski kveikja í gömlum glæðum og for­­tíðar­­þrám.