Það eru margir sem hafa furðað sig og fordæmt athæfi bandaríska handboltamannsins Paul Skorupa sem lét kappið bera sig ofurliði í leik Bandaríkjanna og Barein á HM í handbolta í gær.

Leiknum lauk með 32-27 sigri Barein en þegar vel var liðið á síðari hálfleik átti sér stað atvik sem á ekkert skylt við handbolta.

Skorupa pirraðist þá á andstæðingi sínum í liði Barein, Husain Alsayyad og í hita leiksins tók hann sig til og beit hann í handlegginn.

Í kjölfarið var Skorupa, skiljanlega, vísað af velli og gæti í kjölfarið hlotið frekara leikbann en það ákvarðast af skýrslu dómara um atvikið.

Myndband af athæfi Skorupa má sjá hér fyrir neðan: