Ingeborg Eide Garðarsdóttir, Ármanni, og Bergrún Ósk Aðalsteinsdóttir, FH, lönduðu í dag silfri og bronsi fyrir Íslands hönd á Evrópumeistaramóti IPC í frjálsum.

Báðar kepptu þær í kúluvarpi í flokki F37 (hreyfihamlaðir) en aðeins einn sentimeter munaði á lengstu köstum hjá þeim vinkonum í dag.

Bergrún Ósk hreppti silfrið er hún varpaði kúlunni upp á 8,76 metra en Ingeborg fékk brons með kasti sem var aðeins sentimeter styttri en hjá Bergrúnu Ósk.

Kastsería Bergrúnar í dag: 8.00 – 8,61 – x – x – 8,76 – 8,09
Kastsería Ingeborgar í dag: 8,04 – 8,72 – 8,30 – 8,75 – 8,60 – 8,36

Glæsilegur árangur hjá Bergrúnu Ósk og Ingeborgu en Íslandsmetið í flokknum er 8,89 m. en hjá Ingeborgu var um persónulega bætingu að ræða.

Keppni dagsins er ekki lokið því Bergrún Ósk verður aftur á ferðinni seinni partinn í dag í 200 metra hlaupi. Þá verður Stefanía Daney Guðmundsdóttir meðal þátttakenda í 400 metra hlaupi T20 (þroskahamlaðir).