Luke Shaw, bakvörður Manchester United, verður klár í slaginn fyrir leik liðsins gegn Watford í ensku úrvalsdeildinni í knattspyrnu sem fram fer á morgun. Þetta staðfesti José Mourinho, knattspyrnustjóri liðsins, á blaðamannafundi í dag. 

Shaw fékk þungt höfuðhögg í leim með enska landsliðinu gegn Spáni í leik liðanna í Þjóðadeild UEFA í síðustu viku, en hann skall með höfuðið á hné Dani Carvajal, varrnarmanns Spánverja. 

Mounrinho sagði að læknir félagsins hefði staðfest að Shaw væri orðinn heill heilsu og væri leikfær í leiknum gegn Watford. Portúgalinn hefur hins vegar ekki tekið ákvörðun um hvort hann muni stilla honum upp í bakverði liðsins eður ei. 

Leikur liðanna er síðasti leikur morgundagsins í ensku úrvalsdeildinni, en hann verður leikinnn á Vicarage Road og hefst klukkan 16.30.