Spænski tölfræðingurinn Alexis Martín-Tamayo eða MisterChip eins og hann er kallaður á Twitter birti í dag hvernig næsti styrkleikalisti FIFA mun líta út og fellur Ísland niður í 36. sæti listans samkvæmt útreikning hans.

Er þetta annar mánuðurinn í röð sem Ísland fellur niður á listanum og hefur Ísland alls fallið niður um átján sæti á rúmu hálfu ári.  

Náði Ísland besta árangri sínum í karlaflokki frá upphafi í byrjun þessa árs þegar þeir náðu 18. sæti en stórt tap gegn Sviss og Belgíu á stóran þátt í falli Íslands.

Birti MisterChip uppfærða stöðu 70. efstu liða styrkleikalistans eftir nýafstaðið landsleikjahlé og er Ísland á milli Serbíu og Kosta Ríka á listanum.

Sigur Belga á Íslandi á dögunum skýtur þeim upp fyrir Frakka í efsta sæti styrkleikalistans en Sviss heldur 8. sætinu á styrkleikalistanum.