Sandra Lind Þrastardóttir og félagar hennar hjá Hörsholm eru þrefaldir meistarar í körfubolta í Danmörku. Þetta varð ljóst eftir að Hörsholm varð danskur meistari með sigri gegn Stevnsgade í oddaleik um danska meistaratitilinn um nýliðna helgi. 

Lokatölur í oddaleiknnum urðu 68-60 Hörsholm í vil sem varð fyrr í vetur bæði deildar- og bikarmeistari, en liðið vann þar af leiðandi allt þá titla sem i boði eru í Danmörku. 

Hörsholm hafði töluverða yfirburði í deildarkeppninni á leiktíðinni, en liðið hafði betur í 17 af 20 deildarleikjum sínum. Hörsholm varð deildarmeistari með átta stiga mun á næsta lið fyrir neðan sem var einmitt Stevnsgade sem laut svo í lægra haldi fyrir Hörsholm í úrslitaeinvíginu. 

Hörsholm varð svo danskur bikarmeistari í lok janúarmánuðar með sigri gegn Sisu í bikarúrslitaleik.