Mohamed Salah skoraði þrennu í 4-0 sigri Liverpool á Bournemouth í hádegisleik dagsins í enska boltanum.

Með sigrinum skýst Liverpool upp fyrir Manchester City sem á þó leik til góða gegn Chelsea síðar í dag.

Egyptinn kom Liverpool yfir með marki af stuttu færi um miðbik fyrri hálfleiks en hann virtist vera rangstæður í markinu.

Hann gerði vel í öðru markinu þegar hann stóð af sér brot og kláraði færið vel.

Steve Cook varð fyrir því óláni að skora sjálfsmark á 68. mínútu leiksins og gerði út um vonir heimamanna á Vitality vellinum.

Salah fullkomnaði þrennuna stuttu síðar með tíunda marki sínu í vetur og er hann ásamt Pierre Emirick Aubameyang markahæstir í deildinni.