Evrópumeistaramóti í sundi fatlaðra lauk í gær.

Róbert Ísak Jónsson, SH/Fjörður, lokaði mótinu fyrir Íslands hönd með silfurverðlaunum í 100 metra flugsundi S14 og millitíma á 50 metrum sem var nýtt Íslandsmet.

Róbert Ísak var fjórði í bakkann í 100 metra flugsundinu á tímanum 58,68 sek. en þeir Gabriel Bandeira frá Brasilíu og Daniel Lautaro Maidana Cancinos tóku gull og silfur í greininni en verandi gestakeppendur frá Suður-Ameríku fengu þeir ekki verðlaun við Evrópumótið.

Rússinn Mikhail Kuliabin var því sæmdur gullverðlaunum á tímanum 58,62 sekúndum en hann var þriðji í mark og Róbert sæmdur silfrinu en hann var fjórði í mark á 58,68 sekúndum

Millitími Róbert á 50 metrum í greininni var nýtt Íslandsmet en þá synti hann á 26,73 sekúndum en fyrra metið var 26,82 sekúndur.

Róbert vann tvö verðlaun á mótinu en hann fékk brons í 200 metra fjórsundi og silfur í 100 metra skriðsundi.