Sundmaðurinn Róbert Ísak Jónsson, SH/Fjörður, setti í morgun nýtt Íslandsmet í 100m baksundi í flokki S14 (þroskahamlaðir) á Evrópumeistaramóti IPC í sundi.

Mótið fer fram í Madeira í Portúgal og verður Róbert Ísak því í úrslitum kvöldsins ásamt Má Gunnarssyni sem keppir í beinum úrslitum í 100 metra flugsundi í flokki S11.

Ríkjandi met Róberts Ísaks var 1:06.49 mínútur en það setti hann á Grand Prix mótaröð IPC í Lignano á Ítalíu árið 2019.

Í morgun synti Róbert Ísak á 1:05.19 mínútum í undanrásun og bætti því gamla metið sitt um rúma sekúndu.