Patrick Vieira er atvinnulaus eftir að forráðamenn Crystal Palace ráku hann úr starfi nú í morgun. Er þetta tveimur dögum fyrir leik gegn hans ástkæra félagi, Arsenal.

Ekkert hefur gengið hjá Palace undanfarnar vikur og er Palace komið í bullandi fallbaráttu.

Palace skorar lítið sem ekkert af mörkum og staðan hefur versnað undanfarnar vikur, liðið kemur varla skoti að marki andstæðingsins.

Palace hefur átt fast sæti í ensku úrvalsdeildinni undanfarin ár en Vieira fær ekki tækifæri til að mæta Arsenal um helgina en þar átti hann sín bestu ár sem leikmaður.

Ekki kemur fram hver tekur við Palace fyrir sunnudaginn en félagið segist greina frá því innan tíðar.