Samuel Eto'o fyrrum framherji og forseti knattspyrnusambands Kamerún gæti verið í klípu eftir að hafa ráðist á mann í Katar í gærkvöldi.

Eto'o var á heimleið eftir leik Brasilíu og Suður-Kóreu í gærkvöldi þegar fólk vildi fá mynd með honum.

Fyrst um sinn tók Eto'o vel í slíkt en þegar hann var að fara af vettvangi ákvað hann að snúa við og hjóla í mann með myndavél.

Allt virtist vera að ganga niður þegar Eto'o rauk af stað og sparkaði í andlit mannsins sem virtist sleppa nokkuð vel frá árásinni.

Málið hefur vakið mikla athygli en Eto'o átti glæstan feril sem leikmaður en hefur virkað í miklu ójafnvægi í Katar.

Atvikið er hér að neðan.