Franska félagið virðist hafa unnið kapphlaupið við Manchester City og Barcelona um hollenska landsliðsmanninn Frenkie De Jong.

Hollenskir og franskir miðlar greina frá því í dag að forráðamenn PSG og Ajax hafi komist að samkomulagi um að PSG greiði 75 milljónir evra fyrir De Jong.

Hann er aðeins 21 árs gamall en hefur vakið athygli með hollenska landsliðinu í Þjóðadeildinni og með Ajax í Meistaradeild Evrópu.

Njósnateymi stærstu liða Evrópu fylgdust öll með honum og voru PSG, Manchester City, Barcelona og Bayern Munchen talin líklegust til að kaupa hann.

Þrátt fyrir ungan aldur yrði hann næst dýrasti hollenski leikmaðurinn í sögunni á eftir Virgil van Dijk.