HM 2018 í Rússlandi

Pearce og Waddle skúrkarnir síðast

England er að leika í undanúrslitum í heimsmeistaramótinu í knattspyrnu karla í fyrsta skipti síðan árið 1990 þegar liðið mætir Króatíu í Moskvu í kvöld. Þá tapaði liðið fyrir Vestur-Þjóðverjum sem urðu svo heimsmeistarar eftir vítapsyrnukeppni.

Chris Waddle skýtur hér yfir mark Vestur-Þjóðverja. Fréttablaðið/Getty

Það eru 28 ár síðan England lék síðast til undanúrslita á heimsmeistaramótinu í knattspyrnu, en liðið lék þá gegn Vestur-Þýskalandi á mótinu sem fram fór í Ítalíu. 

Staðan eftir venjulegan leiktíma var 1-1, en Andreas Brehme sem lék á þeim tíma með Inter Milan kom Vestur-Þjóðverjum yfir í leiknum og Gary Linekeker, þáverandi leikmaður Tottenham Hotspur, jafnaði metin fyrir enska liðið. 

Ekkert var skorað í framlengingunni og því þurfti vítaspyrnukeppni til þess að knýja fram úrslit. Þar voru það Stuart Pearce, leikmaður Nottingham Forrest, annars vegar og Chris Waddle, sem var á mála hjá franska liðinu Marseille á þeim tímapunkti hins vegar sem klúðruðu sínum vítaspyrnu. 

Bodo Illgner sem varði mark Kölnar og síðar Real Madrid varði víti Pearce, en Waddle skaut hins vegar boltanum yfir mark vestur-þýska liðsins og England þar af leiðandi úr leik. 

Sex árum síðar féll liðið úr leik fyrir Þýskalandi í undanúrslitum á Evrópumótinu sem haldið var í Englandi árið 1996, en þá brenndi Gareth Southgate, núverandi þjálfari Englands, af lokapyrnu enska liðsins í vítaspyrnukeppninni sem varð til þess að enska liðið var slegið úr leik. 

England mætir Króatíu á Luzhniki-leikvanginum í Moskvu klukkan 20.00 í kvöld og getur þar komist í úrslit mótsins í fyrsta skipti síðan liðið varð heimsmeistari á heimavelli árið 1966. 

Athugasemdir

Auglýsing
Auglýsing

Tengdar fréttir

HM 2018 í Rússlandi

Sjáðu móttökurnar sem Frakkar fengu

HM 2018 í Rússlandi

Lovren: Frakkar spiluðu ekki fótbolta

HM 2018 í Rússlandi

Tóku Macron í dab-kennslu­stund í klefa eftir leik

Auglýsing

Nýjast

Íslenski boltinn

Hafnaði liðum í Svíþjóð en ætlar út eftir áramót

Íslenski boltinn

Dagný búin að semja við Selfoss

Íslenski boltinn

Aukaspyrna Olivers tryggði Blikum stigin þrjú

Íslenski boltinn

KR unnið Fylki í níu leikjum í röð

Golf

Fjórir íslenskir kylfingar á EM

Fótbolti

Ronaldo: Flestir leikmenn á mínum aldri fara til Katar eða Kína

Auglýsing