Handbolti

Patrekur orðaður við starfið hjá Skjern

Danski fjölmiðillinn TV2Sport greinir frá því forráðamenn danska handboltaliðsins hafi áhuga á að fá Patrek Jóhannesson þjálfara Selfoss og austurríska karlalandsliðsins til þess að taka við liðinu í sumar.

Patrekur Jóhannesson á hliðarlínunni í sigri Selfoss gegn Gróttu í lok nóvember. Fréttablaðið/Ernir

Skjern sem er ríkjandi Danmerkurmeistari í handbolta karla en situr nú í áttunda sæti dönsku efstu deildarinnar með 14 stig eftir jafn margar umferðir er í þjálfaraleit þessa stundina. 

Ole Nørgaard og Henrik Kronborg sem halda um stjórnartaumana hjá liðinu hafa gefið það út að þeir muni láta af störfum með liðið í sumar og er leit af eftirmönnum þeirra hafin. 

Danski fjölmiðillinn TV2Sport segir að forráðamenn félagsins hafi sett sig í samband við Patrek Jóhannesson sem er í starfi bæði hjá Selfossi við að þjálfa karlalið félagsins og þjálfar austurríska karlalandsliðsið með það fyrir augum að fá hann til þess að taka við danska liðinu.

Tandri Már Konráðsson hefur leikið með Skjern undanfarin ár og varð meistari með liðinu síðasta vor. Björgvin Páll Gústavsson hefur leikið með danska liðinu á yfirstandandi leiktíð eftir að hafa gengið til liðs við félagið frá Haukum síðasta sumar. 

Athugasemdir

Auglýsing
Auglýsing

Tengdar fréttir

Handbolti

ÍBV síðasta liðið í Höllina

Handbolti

Fram úr fallsæti með sigri norðan heiða

Handbolti

Halldór hættir með FH eftir tímabilið

Auglýsing

Nýjast

Guðni forseti sá Jóhann Berg leggja upp mark

Crystal Palace komst upp í miðja deild

Ágúst þjálfar U-20 ára landsliðið

Messi skoraði þrjú og lagði upp eitt

Newcastle United kom sér í tímabundið skjól

Úrslit úr Meistaramóti Íslands í frjálsum íþróttum

Auglýsing