Austurríki hóf heimsmeistarmótið í handbolta karla með 29-22 sigri í leik sínum gegn Sádi-Arabíu í kvöld. Þetta var fyrsti leikur liðanna í C-riðli mótsins.

Leikmenn Austurríkis höfðu yfirhöndina allan leikinn, en staðan í hálfleik var 15-9 Austurríkismönnum í vil og lærisveinar Patreks Jóhannessonar fóru að lokum með sjö marka sigur af hólmi. 

Danmörk vann sannfærandi sigur gegn Síle þegar liðin mættust í fyrsta leik riðilsins í gær og Noregur tekur á móti Túnis í kvöld. 

Næsti leikur Austurríkis er gegn Síle á morgun og þá mætast Noregur og Sádi-Arabía og Danmörk og Túnis síðar sama dag. 

Patrekur stýrði Austurríki í dag í sínum 100. leik og fékk í tilefni þess glæsilega köku frá austurríska handboltasambandinu.