Enski boltinn

Óskabyrjun hjá Sarri með Chelsea

Ítalski knattspyrnustjórinn Maurizio Sarri fer vel af stað með sína nýju lærisveina hjá Chelsea í ensku úrvalsdeildinni í knattspyrnu karla, en fjórir leikir voru háðir í deildinni klukkan 14.00 í dag.

Jorginho skorar hér sitt fyrsta deildarmark fyrir Chelsea. Fréttablaðið/Getty

Fjórir leikir fóru fram í fyrstu umferð ensku úrvalsdeildarinnar í knattspyrnu karla klukkan 14.00 í dag. 

Chelsea vann sannfærandi 3-0-sigur þegar liðið mætti Huddersfield Town í fyrsta deildarleik sínum með Ítalann Maurizio Sarri við stjórnvölin. 

Fyrsta deildarmark Chelsea undir stjórn Sarri kom úr nokkuð óvæntri átt, en það skoraði franski miðvallarleikmaðurinn N'golo Kante eftir fyrirgjöf frá Brassanum Willian. 

Jorginho sem fylgdi Sarri frá Napoli til Chelsea í sumar tvöfaldaði svo forystu liðsins þegar hann skoraði af öryggi úr vítaspyrnu undir lok fyrri hálfleiks. 

Eden Hazard sem hóf leikinnn á varamannabekk Chelsea var svo arkitektin að þriðja marki Chelsea sem Pedro skorði með snyrtilegri vippu. 

Aron Einar ekki í hóp hjá Cardiff City

Liðsfélagar Arons Einars Gunnarssonar hjá Cardiff City byrja leiktíðina ekki nógu vel, en liðið laut í lægra haldi, 2-0, fyrir Bournemouth.

Það voru Ryan Fraser og Callum Wilson sem skoruðu mörk Bournemouth, en Fraser skoraði um miðbik fyrri hálfleiks og Wilson undir lok leiksins. 

Aron Einar var ekki í leikmannahópi Cardiff City vegna meiðsla. 

Argentínski sóknartengiliðurinn Roberto Pereyra skoraði bæði mörk Watford í 2-0-sigri liðsins gegn Brighton & Hove Albion.

Fulham sem tjaldaði miklu til í leikmannakaupum sínum í sumar beið ósigur gegn Crystal Palace með tveimur marki gegn engu. Þar voru það Jeffrey Schlupp og Wilfried Zaha sem tryggðu Crystal Palace stigin þrjú.

Athugasemdir

Auglýsing
Auglýsing

Tengdar fréttir

Enski boltinn

Mané braut þumalputta á æfingu

Enski boltinn

Mourinho sagði hórusonum að fokka sér

Enski boltinn

Matic tæpur fyrir leikinn gegn Chelsea

Auglýsing

Nýjast

Bolt ekki á leiðinni til Möltu

Haukur og Dagur í hópi vonarstjarna Evrópu

Khan dregur til baka tilboð sitt í Wembley

Wenger boðar endurkomu sína

Gunnlaugur áfram í Laugardalnum

„Fátt annað komist að undanfarna mánuði"

Auglýsing