Orri Steinn heldur áfram að skora fyrir aðallið FCK - myndskeið

Framherjinn Orri Steinn Óskars­son skoraði eitt marka FC København þegar liðið lagði Hels­in­gör að velli með þremur mörkum gegn tveimur í æf­inga­leik sem fram fór á Par­ken í Kaup­manna­höfn í dag.

Orri Steinn kom inna sem varamaður í hálfelik ásamt Há­koni Arn­ari Har­alds­syni. Það var einmitt Hákon Arnar sem átti stoðsendinguna í marki Orra Steins.

Þetta er annað mark Orra Steins fyrir aðallið FC København en hann skoraði í frumraun sinni fyrir aðalliðið á dögunum. Orri Steinn hefur þar af leiðandi skorað tvö mörk í tveimur leikjum fyrir danska liðið.

Ísak Berg­mann Jó­hann­es­son­ lagði svo upp þriðja mark FC København í leiknum en hann spilaði allan leikinn. Andri Fannar Baldursson var ekki í leikmannahópi FC København í leiknum.

Vetrafrí er í dönsku úrvalsdeildinni þessa stundina en keppni hefst aftur 18. febrúar.

FC København situr í öðru sæti deildarinnar í hléinu en liðið er tveimur stigum á eftir Elías Rafni Ólafssyni og samherjum hans hjá Midtjyl­l­and.