Martin O'Neill verður að öllum líkindum næsti knattspyrnustjóri Nottingham Forest. Hann tekur við stjórastarfinu af Aitor Karanka.

O'Neill lék í tíu ár með Forest (1971-81) og varð einu sinni Englandsmeistari og tvisvar sinnum Evrópumeistari með liðinu.

Hinn 66 ára gamli O'Neill hætti sem þjálfari írska landsliðsins í nóvember á síðasta ári. Hann stýrði Írum í fimm ár.

O'Neill hefur einnig þjálfað Leicester City, Celtic, Aston Villa og Sunderland auk annarra liða á löngum ferli.

Forest er í 9. sæti ensku B-deildarinnar, fjórum stigum frá sæti í umspili. Næsti leikur liðsins er gegn Bristol City á laugardaginn.