Guðmundur Guðmundsson þjálfari íslenska karlalandsliðsins í handbolta og þjálfarateymi hans hafa valið 16 leikmenn Íslands sem héldu af landi brott í morgun og munu þeir mæta Grikkjum í næst síðustu umferð í undankeppni EM 2020 í Kozani á miðvikdaginn kemur.

Ómar Ingi Magnússon gat ekki gefið kost á sér í verkefnið sökum höfuðmeiðsla sem hann varð fyrir í leik með danska liðinu Álaborg í úrslitakeppni dönsku efstu deildarinnar á dögunum.

Ísland og Norður-Makedónía eru efst og jöfn á toppi riðils síns með fimm stig eftir fjóra leik en Tyrkland er í þriðja sæti með fjögur stig og Grikkland rekur lestina með tvö stig.

Tvö efstu sætin í riðlinum veita farseðil í lokakeppni Evrópumótsins sem í Austurríki, Noregi og Svíþjóð í janúar á næsta ári.

Hópurinn sem fer til Grikkland er þannig skipaður:

Markmenn:
Ágúst Elí Björgvinsson, IK Sävehof (27/0)
Viktor Gísli Hallgrímsson, Fram (4/0)

Vinstra horn:
Bjarki Már Elísson, Füchse Berlin (59/125)
Guðjón Valur Sigurðsson, Rhein-Neckar Lowen (354/1844)

Vinstri skytta:
Aron Pálmarsson, Barcelona (137/537)
Ólafur Guðmundsson, IFK Kristianstad (111/206)

Leikstjórnendur:
Haukar Þrastarson, Selfoss (8/9)
Elvar Örn Jónsson, Selfoss (22/68)
Janus Daði Smárason, Aalborg (33/39)

Hægri skytta:
Teitur Einarsson, IFK Kristianstad (14/10)

Hægra horn:
Arnór Þór Gunnarsson, Bergischer HC (103/296)
Sigvaldi Guðjónsson, Elverum (16/29)

Línumenn:
Arnar Freyr Arnarsson, IFK Kristianstad (44/65)
Ýmir Örn Gíslason, Valur (29/14)

Varnarmenn:
Daníel Þór Ingason, Haukar (28/9)
Ólafur Gústafsson, KIF Kolding (41/48)