Guðmundur Þórður Guðmundsson, þjálfari íslenska karlalandsliðsins í handbolta, hefur valið þá 16 leikmenn sem mæta Ísrael í undakeppni EM 2022 í Tel Aviv í kvöld.

Ólafur Andrés Guðmundsson, leikmaður Kristianstad, ferðaðist ekki með liðinu til Ísrael en hann kemur til móts við hópinn í Litháen á miðvikudaginn.

Annars hefur undirbúningur íslenska liðsins fyrir leikinn verið sérkennilegur en einungis Aron Pálmarsson, Gunnar Steinn Jónsson, Bjarki Már Elísson, Oddur Gretarsson, Sveinn Jóhannsson, Daníel Þór Ingason, Sigvaldi Guðjónsson, Ágúst Elí Björgvinsson og Viggó Kristjánsson voru viðstaddir á einu æfingu liðsins fyrir leik liðsins sem fram fór í gær.

Fyrir síðustu þrjá leiki Íslands í riðlinum er íslenska liðið í öðru sæti riðilsins með fjögur stig, tveimur stigum á eftir toppliði Portúgals sem hefur leikið einum leik meira. Ísland mætir Litáen á fimmtudaginn kemur og leikur svo við Ísrael að Ásvöllum á sunnudaginn næsta.  

Hópur Íslands gegn Ísrael verður eftirfarandi:

Markverðir:

Ágúst Elí Björgvinsson, KIF Kolding (38/1)

Viktor Gísli Hallgrímsson, GOG (22/1)

Vinstra horn:

Bjarki Már Elísson, TBV Lemgo Lippe (79/219)

Oddur Gretarsson, Balingen-Weistetten (26/36)

Vinstri skytta:

Aron Pálmarsson, Barcelona (149/579)

Daníel Þór Ingason, Ribe Esbjerg HH (31/9)

Tandri Már Konráðsson, Stjarnan (23/17)

Leikstjórnendur:

Elvar Örn Jónsson, Skjern (43/111)

Gunnar Steinn Jónsson, Göppingen (42/36)

Hægri skytta:

Ómar Ingi Magnússon, SC Magdeburg (53/139)

Teitur Einarsson, IFK Kristianstad (18/18)

Viggó Kristjánsson, Stuttgart (18/44)

Hægra horn:

Sigvaldi Björn Guðjónsson, Vive Kielce (36/73)

Línumenn:

Arnar Freyr Arnarsson, MT Melsungen (60/75)

Sveinn Jóhannsson, SønderjyskE Håndbold (9/15)

Ýmir Örn Gíslason, Rhein-Neckar Löwen (50/23)