Golf

Ólafía Þórunn fer aftur af stað í dag

Ólafía Þórunn Kristinsdóttir, atvinnukylfingur úr GR, hefur leik á Kingsmill meistaramótinu í golfi í dag sem fer fram í Williamsburg í Virginíufylki en mótið er hluti af LPGA-mótaröðinni, þeirri sterkustu í heimi.

Ólafía horfir á eftir upphafshöggi í Texas fyrir tveimur vikum. Fréttablaðið/Getty

Ólafía Þórunn Kristinsdóttir, atvinnukylfingur úr GR, hefur leik á Kingsmill meistaramótinu í golfi í dag sem fer fram í Williamsburg í Virginíufylki en mótið er hluti af LPGA-mótaröðinni, þeirri sterkustu í heimi.

Er þetta næst síðasta mótið áður en kemur að Opna bandaríska meistaramótinu en kylfingar á LPGA-mótaröðinni fengu hvíld um síðustu helgi eftir fjögurra vikna törn þar sem leikið var um hverja helgi.

Síðasta mót var sífellt truflað af veðri í Texas en það var stytt niður í 36 holu mót og þurfti Ólafía að leika 35 af 36 holunum á sama degi.

Fataðist henni flugið á seinni níu holunum eftir frábæran fyrsta hring en hún hafnaði í 32. sæti og fékk tæplega 7300 dollara í sinn hlut.

Hefur Ólafía leik rétt rúmlega fjögur á íslenskum tíma en hún er með Lee Lopez frá Bandaríkjunum og Paula Reto frá Suður-Afríku í ráshóp.

Athugasemdir

Auglýsing
Auglýsing

Tengdar fréttir

Golf

Valdís Þóra lauk leik á sínum besta hring

Golf

Valdís Þóra hefur ekki náð sér á strik í Abú Dabí

Golf

Tímabilið hefst hjá Valdísi Þóru

Auglýsing

Nýjast

Íslandi dugar jafntefli í dag

„Japan er á hár­réttri leið undir stjórn Dags“

Torsóttur sigur skilaði Íslandi úrslitaleik í dag

Sjötti sigur Vals í röð

Spánn keyrði yfir Makedóníu í seinni hálfleik

Næsti bar­dagi Gunnars stað­festur: Fer fram í London

Auglýsing