Evrópska handboltasambandið, EHF, gaf í dag út nýja dagsetningu fyri leik Íslands og Ísrael í undankeppni EM 2022 sem upphaflega átti að fara fram sunnudaginn 8. nóvember.

Leikurinn mun fara fram helgina 13. - 14. mars í Laugardalshöllinni í Reykjavík. Ísland vann sannfærandi sigur þegar liðið fékk Litháen í heimsókn í fyrstu umferð undankeppninnar.

„Það er gleðiefni að fá landsleik með vorinu, með hækkandi sól verður vonandi hægt að hafa áhorfendur á kappleikjum og styðja strákana okkar til frekari dáða," segir í tilkynningu HSÍ um þessi tíðindi.