Nýkrýndir heimsmeistarar í knattspyrnu, karlalandslið Argentínu er á heimleið frá Katar eftir að hafa unnið glæstan sigur gegn Frakklandi í úrslitaleik HM í Katar. Í nýrri færslu sem þjóðhetja Argentínu, Lionel Messi birtir á samfélagsmiðlum sést hann með heimsmeistaratitilinn um borð í flugvél.
Eftir mikið partýstand nóttina eftir úrslitaleikinn tók við flug hjá argentínska landsliðinu frá Doha til Rómar á Ítalíu þar sem liðið millilenti áður en síðari leggur ferðalagsins frá Róm til Buenos Aires í Argentínu hófst.
Búist er við því að flugvélin með landsliðið lendi í Buenos Aires lendi seint í kvöld en búið er að skipuleggja sigurhátíð sem á að fara fram á morgun. Hins vegar má leiða líkur að því að argentínska þjóðin muni ekki bíða svo lengi eftir því að hylla hetjurnar sínar.
Myndin sem Messi birtir á samfélagsmiðlum mun kynda undir spennuna hjá argentínsku þjóðinni sem mun án efa veita nýjum hetjum landsins konunglegar móttökur.
