Íslenski boltinn

Nokkuð margir tæpir fyrir mánudaginn

Íslenska karlalandsliðið í knattspyrnu sýndi einkar góða frammistöðu þegar liðið gerði 2-2 jafntelfi gegn ríkjandi heimsmeisturum, Frakklandi, í vináttulandsleik liðanna í Guingamp í gærkvöldi. Eftir leikinn eru nokkrir leikmenn tæpir fyrir næsta leik liðsins.

Birkir Már Sævarsson var tekinn af velli undir lok leiks Íslands gegn Frakklandi í gærkvöldi. Fréttablaðið/Getty

Íslenska karlalandsliðið í knattspyrnu heldur í leik gegn Sviss í Þjóðadeild UEFA á mánudaginn kemur með góða frammistöðu í 2-2 jafntefli sínu í vináttulandsleik gegn Frakklandi í farteskinu. 

Leikmenn liðsins taka einnig með sér meiðsli og eymsli úr leiknum gegn ríkjandi heimsmeisturum. Nokkrir leikmenn íslenska liðsins verða annað hvort frá vegna meiðsla sinna eða eru tæpir vegna eymsla sinna. 

Guðlaugur Victor Pálsson tognaði aftan í læri í leiknum í gærkvöldi og verður fjarri góðu gamni í leiknum á mánudaginn kemur. 

Þá var Rúnar Alex Rúnarsson tekinn af velli vegna bakmeiðsla sinna í hálfleik og Birkir Már Sævarsson undir lok leiksins vegna stífleika aftan í læri. Þeir verða mögulega klárir í slaginn í tæka tíð fyrir leikinn á mánudaginn. 

Emil Hallfreðsson var ekki í leikmannahópi íslenska liðsins í gær vegna hnémeiðsla sinna og Sverrir Ingi Ingason var sömuleiðis ekki í hópnum vegna veikinda sinna. 

Hörður Björgvin Magnússon sat allan tímann á varamannabekk Íslands, en hann er að ná sér eftir að hafa glímt við meiðsli í lær- og rassvöðva. 

Líklegt þykir að Emil, Sverrir Ingi og Hörður Björgvin verði orðnir klárir og heilir heilsu eftir helgina og geti tekið þátt í leiknum gegn Sviss. 

Athugasemdir

Auglýsing
Auglýsing

Tengdar fréttir

Íslenski boltinn

Ljúka leik í Svíþjóð

Íslenski boltinn

Sandra meidd - Ásta Eir inn í hópinn

Íslenski boltinn

Stelpurnar með Svíum í riðli

Auglýsing

Nýjast

Minnast Gordon Banks með sérstakri treyju gegn Aston Villa

Nálægt því að komast í úrslit

Chelsea fer til Úkraínu: Arsenal mætir Rennes

Leik­maður Leeds söng með stuðnings­mönnum Mal­mö

Sonur Holyfield reynir að komast í NFL-deildina

Rabiot rak mömmu sína

Auglýsing