Eiginkonur Jack Grealish og Harry Maguire, landsliðsmanna Englands í knattspyrnu eru sagðar hafa flúið skemmtiferðaskip sem fjölskyldumeðlimir leikmanna hafa haldið til í á meðan Heimsmeistaramótið í knattspyrnu í Katar fer fram. Fleiri hafi fylgt fordæmi þeirra í kjölfarið en mikil óánægja ríkir með dvölina í skipinu.
Greint er frá málinu í breskum miðlum í dag en eiginkonurnar eru sagðar hafa fengið nóg af hegðun stuðningsmanna Englands undir lok dvalarinnar en einhverjir þeirra héldu einnig til á skipinu.
Alltaf hafi verið ljóst að fjölskyldumeðlimir myndu ekki dvelja allt mótið á skemtiferðarskipinu en dvölin hafi hins vegar staðið skemur yfir en vonir stóðu til.
Meðal annars hafi uppákomur sem tengist þvagláti stuðningsmanns af fimmtu hæð skipsins niður í anddyri þess. Þá hafi háværar heimkomur stuðningsmanna í skipið eftir partýstand í Katar orðið til þess að margir hafi látið gott heita af veru sinni í skipinu.
Fjölskyldumeðlimir leikmanna eru sagðir óánægðir með dvölina í skipinu, þá hafi margir upplifað hálfgerða einangrun með því að vera í skipinu úti á sjó rétt fyrir utan strendur Katar.
Fjölskyldumeðlimir haldi nú til á hóteli í Katar.
