Nike og Vanessa Bryant, ekkja Kobe Bryant, komust í gær að samkomulagi um að hefja samstarf að nýju og er því von á nýjum skóm frá Nike úr vörulínu Kobe Bryant sem var gefin út um árabil.

Vanessa sleit samstarfinu við Nike á síðasta ári þegar Nike var ekki tilbúið að bjóða fjölskyldunni lístíðarsamning líkt og Michael Jordan og LeBron James sömdu um.

Skólína Kobe Bryant er ein sú vinsælasta í NBA-deildinni og verður henni viðhaldið til að heiðra minningu Kobe og dóttur hans, Gigi en feðginin létust í þyrluslysi snemma árs 2020.

Í færslu sem Vanessa deildi á samskiptamiðla sína kemur fram að allur ágóði af sölunni renni til góðgerðarstofnunarinnar Mamba and Mambacita Sports Foundation.