Alphonso Davies, leikmaður Bayern og kanadíska landsliðsins, átti erfitt með að hemja tilfinningar sínar þegar Kanada komst áfram í lokakeppni HM í fyrsta sinn í 36 ár í gærkvöld þegar hann var í beinni útsendingu á Twitch síðu sinni.

Davies er sjálfur að glíma við meiðsli og missir af síðustu leikjum Kanada í undankeppninni.

Kanada vann 4-0 sigur á Jamaíka í gærkvöld sem tryggði Kanadamönnum sæti á HM í Katar í nóvember þegar einn leikur er eftir af undankeppninni.

Þetta verður í annað sinn í sögunni og í fyrsta sinn síðan 1986 sem Kanada kemst áfram í lokakeppnina.