Fótbolti

Mourinho opinn fyrir því að stýra Real eða Inter á ný

​Portúgalski knattspyrnustjórinn Jose Mourinho segist vera stoltur af því að vera orðaður við Real Madrid og Inter á ný og að hann geti ímyndað sér kristinnað snúa aftur til þessara liða.

Mourinho fylgist með á hliðarlínunni í síðasta leik sínum með Manchester United. Fréttablaðið/Getty

Portúgalski knattspyrnustjórinn Jose Mourinho segist vera stoltur af því að vera orðaður við Real Madrid og Inter á ný og að hann sé áhugasamur um að snúa aftur til þessara liða.

Mourinho er án starfs eftir að hafa verið rekinn frá Manchester United í desember og hefur verið orðaður við Real og Inter, lið sem hann stýrði áður fyrr.

Hann þykir ákaflega vinsæll hjá Inter eftir að liðið vann þrefalt undir hans stjórn, deild, bikar og Meistaradeild Evrópu. Hjá Madríd bætti Real stigametið í deildinni undir hans stjórn en tókst ekki að vinna Meistaradeild Evrópu.

Real Madrid hefur ekki náð að standa undir væntingum á þessu tímabili þrátt fyrir að hafa skipt um stjóra og gæti forseti félagsins leitað til Mourinho á ný.

„Ef félag hefur áhuga á að fá fyrrum þjálfara eða leikmann aftur, þá var sá aðili að gera eitthvað rétt. Ég fann það þegar ég sneri aftur til Chelsea og það yrði mikill heiður að snúa aftur til Real eða Inter. Ég þekki allt saman hjá þessum félögum.“

Mourinho staðfesti að hann hefði ekki áhuga á því að snúa aftur til heimalandsins eftir að hann var orðaður við Benfica.

„Ég hef ekki áhuga á því að vinna í Portúgal. Besta leiðin til að útkljá þetta er að greina frá því að ég sé ekki valkostur fyrir Benfica og ég hef ekkert rætt við forseta félagsins.“

Athugasemdir

Auglýsing
Auglýsing

Tengdar fréttir

Fótbolti

Íþróttadómstóll dæmir PSG í hag gegn UEFA

Fótbolti

Wayne Rooney sýndi á sér nýja hlið

Fótbolti

Al Arabi staðfestir komu Arons

Auglýsing

Nýjast

Rúnar Már á förum frá Sviss í sumar

Mæta Argentínu en ekki Angóla á æfingarmótinu

Bernando segir markmið City að vinna fernuna

Ragnheiður inn í landsliðið fyrir Mariam

Viðar Örn kallaður inn í landsliðið

Draumurinn er ennþá að komast í NBA-deildina

Auglýsing