Enski boltinn

Miklar væntingar gerðar til Brassans

Er Alisson maðurinn til að leysa markvarðavandræði Liverpool?

Liverpool hefur leitað lengi að traustum markverði. Stuðningsmenn liðsins vonast til að Alisson sé sá maður. Fréttablaðið/Getty

Eftir ófarir Loris Karius í úrslitaleik Meistaradeildar Evrópu síðasta vor var ljóst að Jürgen Klopp þyrfti að fá nýjan mann milli stanganna hjá Liverpool.

Um miðjan júlí staðfesti Liverpool að félagið hefði fest kaup á brasilíska landsliðmarkverðinum Alisson frá Roma. Hann var dýrasti markvörður heims í nokkrar vikur, eða þar til Chelsea keypti Kepa Arrizabalaga frá Athletic Bilbao.

Alisson hóf ferilinn með Internacional í heimalandinu en gekk í raðir Roma 2016. Hann var varamaður fyrir Wojciech Szczesny á sínu fyrsta tímabili í borginni eilífu. Á síðasta tímabili fékk Alisson tækifæri eftir að Szczesny var seldur til Juventus og sló í gegn. Roma fékk aðeins 28 mörk á sig í ítölsku úrvalsdeildinni, næstfæst allra liða, og Alisson hélt marki sínu 17 sinnum hreinu. Þá hélt hann fimm sinnum hreinu á leið Roma í undanúrslit Meistaradeildar Evrópu.

Alisson, sem hefur verið aðalmarkvörður brasilíska landsliðsins undanfarin ár, er góður maður gegn manni, gríðarlega öruggur með boltann og kemur honum vel frá sér. Og hann er ekki mistækur eins og þeir Simon Mignolet og Karius sem hafa staðið í rammanum hjá Liverpool síðustu ár.

Markvarðarstaðan hefur verið til vandræða hjá Rauða hernum undanfarin ár en stuðningsmenn Liverpool vonast til að það heyri sögunni til. Og þeir vonast að sjálfsögðu til þess að kaupin á Alisson heppnist jafn vel og síðast þegar Liverpool keypti leikmann frá Roma (Mohamed Salah).

Þessi grein birtist í sérblaði um enska boltann sem fylgdi Fréttablaðinu í dag.

Athugasemdir

Auglýsing
Auglýsing

Tengdar fréttir

Enski boltinn

Doherty hetja Úlfanna gegn Newcastle

Enski boltinn

Tottenham aftur upp fyrir nágrannaliðin

Enski boltinn

Chelsea fyrsta liðið til að vinna City í vetur

Auglýsing

Nýjast

Njarðvíkingar með fimm sigra í röð

Öruggur Vals­sigur í Reykja­víkurs­lagnum gegn Fram

Segja Björn Daníel hafa samþykkt tilboð frá FH

Róbert Ísak raðar inn titlum

Heimir mættur til Katar

Gunnar sigraði and­stæðinginn al­blóðugan

Auglýsing