Írski bardagakappinn Conor McGregor mætti fyrir dóm í New York-fylki í Bandaríkjunum í morgun. McGregor er ákærður fyrir að hafa slasað starfsfólk og bardagamenn á UFC- viðburði í apríl síðastliðin, þegar hann réðst á rútu sem fluttu fólk úr Barclays-höllinni í New York.

Hinn 29 ára McGregor ávarpaði fjölmiðla stuttlega, áður en hann gekk inn í dómssal. „Ég sé eftir þeim gjörðum mínum sem leiddu mig hingað í dag. Ég átta mig á alvarleika málsins og ég er bjartsýnn að unnið verði úr þessum,“ sagði McGregor.

McGregor gætti átt yfir höfði sér allt að sjö ára fangelsisdóm, verði hann fundinn sekur af öllum ákæruliðum. Það þykir þó líklegt að hann reyni að semja um sáttir til að forðast fangelsisvist. Öllum bardögum McGregors hefur verið frestað þar til botn kemst í málið.

Nokkrir bardagakappar og starfsmenn UFC-deildarinnar slösuðust í atvikinu, þar á meðal Ray Borg og Micheal Chiesa. Berserksgangur McGregors hefur verið tengdur við deilu Khabibs Nurmagomedov og vinar McGregors, Artems Lobovs.